2019-тӥ арын Трокай Борисов нимо йӧскалык премиез басьтӥсь тодмо луиз Удмуртиын

Премиез басьтон понна кандидатураосты «Удмурт Кенеш» огазеяськонлэн йӧскалык премиосъя ӧриез эскериз.

“Вань куриськонъёсты рос-прос эскерыса, люкаськемъёс огкылэ вуизы: премиез Юрий Семёновичлы сётоно. Солэн удмурт калык но экономика понна лэсьтэм ужез мертантэм. Бадӟым букваен адями — сюрес усьтӥсь, югдытӥсь, валтӥсь”, – ивортэ «Удмурт Кенеш» огазеяськонлэн пресс-службаез.

Тодэ вайытом, кылем арын шуркынмонэ Удмурт кун университетын Юрий Перевощиков нимо визьбур вожвылъяськон (троеборье) ортчиз. Отчы элькунлэн пӧртэм ёросъёсысьтыз 90 пиналъёс пыриськизы. Вормисьёсты ачиз профессор пусйиз.

Со сяна, пумиськонын мукет ужпумъёсты но ӝутӥзы, со пӧлын Удмурт кыллэсь нуналзэ пусъён. Тодэ вайытом, 2018-тӥ арысен со нунал 27-тӥ шуркынмонэ пусйиське.

Озьы ик исполкомын «Удмурт Кенеш» огазяськонлэн Данъян книгаяз пыртон понна дано адямиосты эскеризы. Пӧртэм ёросъёсысь ньыль муртэз бырйизы. Соослэсь нимъёссэс 13-тӥ шуркынмонэ Пичи кенешлэн пумиськоназ шараялозы. Отын ик Трокай Борисов нимо йӧскалык премиен но пусъёзы. Ужрад Удмуртилэн кунлык басьтон нуналэзлы сӥземын луоз

Тодэ вайытом, Трокай Борисов нимо премиен пусъёнэз 2018-тӥ арын выльдӥзы. Вис карем бере данъетэз нырысетӥ басьтӥсь Дэри ёрос администрацилэн тӧроезлэн воштӥсез – Гуртэз азинтонъя но гурт возёсъя управленилэн кивалтӥсез, экономика тодосъя кандидат Валериан Никитин луиз.

https://udmurt.media/udm/news/obshchestvo/68283/

Контентмейкер, мемолог и журналист

Дом Дружбы народов
Добавить комментарий