«2018-тӥ арлэн семьяез» огъяросси конкурсын Удмуртиысь семья вормисьёс пӧлын

Табере шаерысьтымы та удмурт семья вожвылъяськонлэн данъет книгаяз пыроз. Сӥзьыл соосты сӥлы карозы. Росси конкурсэ ваньзэ- ӧвӧлзэ 329 куриськон вуиз. Отысь ньылез Удмуртиысь. Кияса ёросысь Григорьевъёс ас номинациазы вормисьёс луизы. Сергей но Люба 3 нылпи будэто. Асьсеос ужало Вуж Салья школаын. Та семья мыло-кыдо пыриське ёрос но элькун вожвылъяськонъёсы. Огъя росси конкурсэ — нырысьсэ.

Вера Сергей Григорьев: «Возьматыны кулэ вал люкам туспуктэмъёсмес, газетысь ми сярысь гожъямъёсты. Собере нылпиослэсь но асьмелэсь вожвылъяськонъёсы пыриськемез, кыӵе вормонъёсмы. Номинаци  «Сям-йылолъёсты утись семья» нимаське бере, эскеризы ини семьяямы утиськись йылолъёсты. Мон ачим трудэн дышетисько бере, соин нылпиосылэн но кузпалылэн но ужъёссы трос. Киужъёсын выро. Кристинамы умой суредаське.  Пиосмы но мон бордын кизэс волято. Трос конкурсъёсы ужъёссэс ысъяло, вормись луо».

http://www.myudm.ru/

Контентмейкер, мемолог и журналист

Дом Дружбы народов
Добавить комментарий