20 кунъёсын «Татарча диктант» гожтӥзы

Удмуртия 3-тӥзэ «Бигер диктант» акци борды итӥськиз. Ортчем арня нуналэ сое быдэс дуннеысь 20 кунъёсын гожтӥзы.

Бигер кылэз тодэмзэс эскеризы Россиысь 60 улосвылъёсын улӥсьёс но.

Татарстанын улӥсьёс Гаяз Исхакилэн произведениысьтыз люкетсэ гожъязы, нош Удмуртиын Абдулла Алишалэн выжыкылысьтыз оглюкетсэ.

Диктантлэсь текстсэ лыдӟиз тодмо кылбурчи Сания Ахметзянова. Ужрадэ пыриськизы егитъёс но, арлыдоос но.

Акцилэн одӥгез радъясез — бигер егитъёслэн дунневыл форумзы.

Туэ диктантэз онлайн амалъя но гожтӥзы.