17 коллективъёс пыриськизы удмурт кылын ужась нылпи театръёслэн «Артэ» фестивалязы Удмуртиын

“Со милям юбилейной. Витетӥ арзэ ини ортче. Брангуртын 4-тӥ арзэ ортче ини со. Нырысь Йӧскалык театрын вал. Коллективъёс арлы быдэ будо, трос но трос луо мылкыд карисьёс”, – вера фестивалез кылдытӥсь, Брангуртысь лулчеберетъя юртысь нылпиослэн «Кузьыликар» образцовой театрзылэн кивалтӥсез но режиссёрез Ольга Туктарева.

Туэ фестиваль-конкурсэ Удмуртиысь каръёсысь но ёросъёсысь, озьы ик бускель Татарстан элькунысь Алабго карысь но Огырчи ёросысь Варклед-Бӧдья гуртысь 17 коллективъёс пыриськизы. Ольга Туктаревалэн верамезъя, вазиськисьёс эшшо но трос вал, но лулчеберетъя юрт пичиен, беромыса куриськисьёсты кутыны ӧз ни быгатэ.

«Артэ» элькун фестиваль удмурт йӧскалык лулчеберетлэсь аспӧртэмзэ возьматон, нылпиослэсь йӧскалык коллективъёссэс огазеян но быгатонлыкъёссэс возьматон, азинскыны луонлык сётон понна радъяське.

“Со милям сыӵе кутскон вамыш бадӟым фестивальёсы потаны. Мыным соин кельше милям малпанмы: нылпиослы пичи гинэ ӧс усьтӥськом ми но, нош азьланяз вӧл-вӧл соос асьсэос усьтозы ини “, – шуиз Ольга Туктарева.

Фестивальлы йылпумъянъёс:

I степенё лауреатъёс – Ярысь «Люр-ляр» коллектив, Дэри ёросысь Казмаскаысь «Ералаш» коллектив, Якшур-Бӧдья ёросысь Кекоранысь пиналъёс но Татарстанысь Огырчи ёросысь Варклед-Бӧдья гуртысь «Шуак шаян шоу» коллектив;

II степенё лауреатъёс – Ижкарысь Кузебай Герд нимо гимназиысь «Супер удмурты» коллектив, Шаркан ёросысь Быгы гуртысь «Беренэс» коллектив;

III степенё лауреатъёс – Пичи Пурга ёросысь Бобья-Уча гуртысь «Чингыли» коллектив.

I степенё дипломантъёс – Сьӧлта ёросысь Кожгуртысь «Теремок» коллектив;

II степенё дипломантъёс – Шаркан ёросысь Сосновкаысь «С микрофоном на Ты» коллектив, Сьӧлта ёросысь Выль Мӧнья гуртысь «Маскарчи» коллектив;

III степенё дипломантъёс – Пичи Пурга ёросысь Брангуртысь «Кузьыликар» коллективысь покчиослэн группазы, Татарстанысь Алабгоысь «Планета добра» коллектив.

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий