15-тӥ коньывуонэ Сарапулын удмуртъёслэн куинетӥ ӧтчамзы дырысен 100 ар тырмонлы сӥзем научно-практической конференция ортчоз

“Отын асьмеос кемалась ини номыр ӧм ортчытъялэ вал. Туж умой Сарапул кар «кенешчиосмы» мылкыд каризы таӵе бадӟым ужрад ортчытыны шуыса. «Электрон» лулчеберетъя юртлэн кивалтӥсез Елена Шохина но малпанзэс быдэстыны юрттэ. Соос быдэсак концертной программаез пуктозы но экскурсия дасялозы. Нош асьмелэсь пленарной люкетсэ витё”, – вераз Татьяна Витальевна.

Огазеяськонлэн кивалтӥсезлэн куремезъя, докладъёс истроияен но, со дыре ик Удмуртилэн кунлык басьтэмез дырысен 100 тырмонэн герӟаськемын но луыны кулэ.

Ёзчиос одӥг кылэ вуизы одно ик Трокай Борисов сярысь доклад дасяно шуыса. Ӵапак солэн но сюлмаськемезъя 1919-тӥ арын Сарапулын удмуртъёслэн куинетӥез ӧтчамзы люкаськылӥз. Озьы ик, Сарапул музейын ужасьёс съездлэн ортчемез сярысь веран дасялозы. Удмурт журналист, литературовед, гожъяськись, тодосчи Александр Шкляев удмуртлык пумысен вераськоз, национальной темаосты усьтоз. Дышетон удыс но сэрттэмын-пертчемын луоз, угось удмуртъеслэн отчамзы бере Сарапулын дышетӥсьёслэн конференцизы ортчиз.

«Кенешчиос» ужрадэ егитъёсты но кыскон пумысен малпанъёссэс шараязы. «Кузебай Герд нимо гимназиысь дышетскись пиналъёсты ӧтьыны луэ. Учке ай, кыӵе соос умой, сюлмысь «Герд лыдӟонъёсын» выступать каризы, докладъёссы но туж ӟеч дасямын вал», – мылкыдзэ вераз Татьяна Ишматова.

Озьыен, вуоно конференцимы «Удмурт мерлыко движенилэн вашкала но туала югдурез» тема улсын ортчоз.

https://vk.com/udmurtkenesh

Контентмейкер, мемолог и журналист

Дом Дружбы народов
Добавить комментарий