14 кунъёсысь артистъёсы возьмало Удмуртиын Цирк искусствоя калыккуспо фестивале

Удмуртиын улӥсьёс, Россиысь сяна, Австриысь, Польшаысь, Эфиопиысь, Чехиысь, Великобританиысь, Украинаысь, Эквадорысь, Австралиысь, Франциысь, Мексикаысь, Испаниысь, США-ысь, Китайысь, Уйпал Кореяысь артистъёслэсь быгатонлыкъёссэс адӟозы.

«Арлы быдэ радъяськись фестиваль улосвыллэн визитной карточкаез, элькунлэн лулчеберет улоназ одӥгез тужгес яркытэз ужрад луиз. Манежын ужась тодмо усточиос Удмуртиын улӥсьёслэн яратоно праздниказы шумпотыса пырисько» — ивортэ Удмуртиысь Кун цирклэн пресс-службаез.

Туннэ нуналлы пӧртэм ӧръёсъя 20 номеръёс верамын. Со пӧлын акробатика, омырын гимнастика, эквилибр, гондыръёсын, валъёсын но мукет пӧйшуръёсын аттракционъёс. Учкисьёсты серекъятозы Австриысь но Россиысь клоунъёс.

Фестиваль улсын возьматонъёсы билетъёс басьтыны луэ ни.

https://udmurt.media/udm/news/kultura-i-turizm/48707/