110-лэсь трос интыосын «Бадӟым удмурт диктант» ортчиз

«Удмурт Элькунэз ке верано, со 98 площадка сыӵе заявочной формаен сётӥз. Эшшо 15 пала площадка палэнысь удмуртъёс дорын – Башкортостанын, Татарстанын, Москваын. Пыриськись адямиосты ке учконо, соос кызьы ке но 2 сюрс пала люкасько», – вера Удмуртиысь Йӧскалык политикая министерствоысь валтӥсь ӧнерчи Елизавета Ложкина.

Таяз арын ужрад Россиын Театрлэн арезлы сӥземын вал бере, диктантлы текстэз гожтыны Удмуртиысь Йӧскалык театрысь артистлы, кутскись драматурглы Алексей Котковлы оскизы. Со текстсэ кунысь валтӥсь театр институтэ пырем егит муртлэсь эшезлы гожтэтсэ сямен дасяз. «Бадӟым удмурт диктантлэсь» валтӥсь площадказэ но Йӧскалык театрын радъязы. Ужъюртлэн кивалтӥсез Андрей Ураськин верамъя, сыӵе ӵектонлы кема малпаськытэк соглаш кариськизы.

«Туж шумпотӥсько, Театрлэн араз та диктантэз театрен герӟаны малпаллям шуыса. Лекторский аудиториосмы, конечно, милям ӧвӧл, но тани туж чебер гинэ инты лэсьтӥм ми», – шуэ Андрей Ураськин.

Театре диктант гожтыны 20-лэсь трос адями лыктӥз, озьы ик ик куд-огез артистъёс но пыриськизы. Текстэз Россиысь дано артистка, Удмуртиысь калык артистка Фаина Будина лыдӟиз.

Диктантлэсь текстсэ «Мынам Удмуртие» радио пыр но лыдӟизы. Удмурт кылъя шонер гожъяськыны быгатэмзэ меӵак эфиръя студиын элькунысь лулчеберетъя министр Владимир Соловьёв эскериз. Солэсь ужзэ эскеризы студиын ик. Со 85 балл люказ – «4»-лы гожтӥз.

Нош кӧня баллъёс люказы акцие пыриськемъёс, тодмо луоз толэзь пумын. Ужъёсты келяно «Мынам Удмуртие» ТРК-е почта пыр яке электрон адресаз. 90 баллэсь трос люкам визьпогъёслы сертификатъёс сяна, йӧскалык политикая но лулчеберетъя министерствоослэсь синпельёс кузьмалозы.

Вуоно арын диктантлэн текстэз сӥземын луоз элькунлэн 100 ар тырмонэзлы.

 

 

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий