Туннэ Дэри ёросысь Изгурт шор ёзо школаын Эрик Батуевлы сӥзем куинетӥ лыдӟонъёс ортчизы

Ужрадлэн эксперт сессияз педагогика лабораториос, педагогика но литературатодос кунокуаос (гостинойёс) ужазы. Татын дышетӥсьёслэсь но визьнодасьёслэсь ужъёссэс нимысьтыз экспертъёс эскеризы-дунъязы. Нош интеллектуал-творческой гостинойын дышетскисьёс Эрик Батуевлы сӥзем утчаськон-эскерон но проект ужъёсынызы тодматӥзы.

Конференцилэн пленарной сессияз Эрик Батуевлы сӥзем тунсыко докладъёсын вераськизы кылосбур тодосъёсъя кандидатъёс, тодосчиос В.Г. Пантелеева, А.Г. Шкляев, А.А. Клементьев.

Ужрадын озьы ик Эрик Батуев нимо ёрос премия сётон радъямын вал. Эрик Батуев нимо ёрос премия лулчеберетэз, калык сямъёсты, удмурт литератураез азинтӥсь дышетӥсьёслы, лыдӟетъюртъёсын ужасьёслы, шаерчиослы 2005-тӥ арысен сётӥське ини. Туэ солэн 19-тӥ лауреатэз кылосбур тодосъя кандидат, Москваысь Литературая Горький нимо институтысь доцент, дышетӥсь Вера Пантелеева луиз.

https://vk.com/public156976138

 

Контентмейкер, мемолог и журналист

Дом Дружбы народов
Добавить комментарий