Коньывуонэ «Слово Удмуртии голосами мира» акци кутске

    Коньывуонэ «слово удмуртии голосами мира» акци кутске 1

    Акци быдэс дуннеез но Россиез Удмуртиысь литератураен тодматон вылысь малпамын.

    Отчы пыриськон понна видеоролик гожтоно. Автор Удмуртиысь кылбурчиослэн но писательёслэн произведениосысьтызы люкетъёссэ пӧртэм кылъёсын лыдӟыны кулэ.

    Юрттон вылысь Йӧскалык лыдӟиськонниын ужасьёс удмурт авторъёслэсь пӧртэм кылъёсы берыктэм ужъёссэс ӵектозы.

    Видеороликъёс mp4 форматэн 2 минутозь кыстӥськыны кулэ. Соосты 1-тӥ коньывуонысен 2020-тӥ арын 31-тӥ толшорозь кутозы таӵе адресъя filolog@unatlib.ru.

    Акцие пыриськисьёслэсь ужъёссэс Йӧскалык лыдӟиськоннилэн «ВКонтакте» но  «Facebook» мерлыко вотэсбамъёсаз интыялозы.