100 миллион манет висъязы Удмуртилы Вотка карын Чайковскийлэсь парксэ кылдытонлы
Удмуртиысь лэсьтӥськонъя министрлэн Иван Ястреблэн кылъёсызъя, али проектэз быдэстонлы дасяськон уж мынэ, Россиысь лэсьтӥськонъя министерствоен проектной ужкагазъёсты кылдытонъя технической задание ласянь огкылэ вуэмын.
«Дорожной картая, кудӥзъя Россиысь лэсьтӥськонъя министерствоен огкылэ вуим, паркез умоятонъя проектэз кылдытон таяз арын толсур пумозь йылпумъямын луыны кулэ», — шуиз Иван Ястреб, Удмуртиысь лэсьтӥськонъя министр.
Тодэ вайытом, Вотка карысь ӵектос карез умоятонъя проектъёслэн огъяросси вожвылъяськоназы вормиз. Ваньмыз Россиысь 43 улосвылъёс 4,9 миллиард манет коньдон басьтозы. Озьы ик азьвыл пусйизы, парк карысь вань улӥсьёсты мед кыскоз шуыса, солэн учкетэз (концепциез) сярысь мерлыкен кенешозы.