100 сюрс манет басьтозы Удмуртия сярысь сценарийёсъя конкурсын вормисьёс

«Улосвылын сценарийёс гожтон ужлы мылкыд сётэммы но оглом кинематографез азинтэммы потэ вылэм, быгатэммыя. Соин ик ми сценарийёсъя конкурс ялӥськомы, азьланяз устоосыз соос пӧлысь режиссёръёслэн, операторъёслэн, асьме историмы, лулчеберетмы, ужпӧрмы, асьме калыклэн улон-вылонэз сярысь шудон яке документальной фильм кылдытыны мылкыдын улӥсьёслэн ужазы инъет луыны быгатозы», — пусйиз Кун Думалэн депутатэз Алексей Загребин.

Вожвылъяськон куинь ӧръёсъя мынэ: документальной кино, полнометражной кино но вакчи фильмъёс. Темаос пӧлын валтӥсь инты басьто мер улон но элькунысьтымы нимаз адямиослэн улонзы. Фильмын возьматэм действие Удмуртиын мед ортчоз яке элькунын улӥсьёсын кызьы ке но герӟаськемын мед луоз.

Кыкетӥ но куинетӥ инты басьтэмъёслы 70 но 50 сюрс манет сётозы. Вожвылъяськонлы йылпумъянъёсты 1-тӥ инвожо бере шараялозы. Со сяна, «Полнометражное кино» ӧръя вормись Гран-при басьтоз, солэсь сценарийзэ нимаз книгаен поттозы.

http://udmurt.media/udm/news/kultura/19127/

 

 

Контентмейкер, мемолог и журналист

Дом Дружбы народов
Добавить комментарий