1 500 бамъем ӟуч-удмурт кыллюкам поттозы Удмуртиын та ар пумын

Кыллюкамез Удмуртиысь йӧскалык политикая министерство юрттэмен та ар пумын поттозы

“2019-тӥ арын милям тодосчиосмы ӟуч-удмурт кыллюкамез поттыны дасязы. Ужлэн туж бадӟым люкетэз быдэстэмын ни. Оглом уж куинь ар мынӥз”, – шуэ Михаил Альес, Эскеронъёсъя удмурт федерал центрлэн кивалтӥсез.

Кыллюкамын 50 сюрслэсь трос кылъёс луозы. Михаил Альес верамъя, кылъёсты огшоры берыктэм сяна, отын соослэн валатонзы но усьтэмын.

Берлозэ ӟуч-удмурт кыллюкам 1956-тӥ арын потӥз вал, отчы 40 сюрс пала кылъёс пыризы

Пусъём, 2008-тӥ арын удмурт-ӟуч кыллюкамез поттӥзы.

“Та кык кыллюкамъёс удмурт кыллюкамлэсь корпуссэ кылдытонлы инъет луозы. Со инъетлыко (фундаментальной) уж. Со кыллэн инъетэз луэ”, – вера Михаил Альес, Эскеронъёсъя удмурт федерал центрлэн кивалтӥсез.

Удмурт кыллэн нуналаз, 27-тӥ шуркынмонэ, тодосчиос журналистъёсты кыллюкамлэн аспӧртэмлыкъёсыныз тодматозы. Ивортодэтъя «Удмуртия» агентство соос сярысь аслаз лыдӟисьёсызлы вералоз.

Тодэ вайытом, удмурт кыллэсь корпуссэ кылдытон сярысь туэ инвожое Ижкарын Финно-угроведъёслэн VI огъяросси конференциязы вераськизы.

https://udmurt.media/udm/news/obshchestvo/70893/

Контентмейкер, мемолог и журналист

Дом Дружбы народов
Добавить комментарий