«Ӵужанай доры сюрес»

    «ӵужанай доры сюрес» 1

    Жюри бадӟым саклык висъяз вожвылъяськонэ пыриськись пиналлэсь аресэзлы тупась быдэстэм ужзэ. Озьы быръемын вал вормисьёс:

    • «Устоез выжыкыл» номинация – Полина Кузнецова;
    • «Устоез верос» номинация – Оксана Петухова;
    • «Устоез кылбур» номинация – Настя Воронцова.

    «Удмурт нылкышно кенеш» огазеяськонысь ӧнерчиос тужгес аспӧртэмлыко ужъёслэн авторъёссы понна нимысьтыз кузьымъёс дасязы:

    • Ангелина Симакова;
    • Евгений Бектин;
    • Вера Шулакова.

    Тодады вайытом, жюри кие оглом 18 уж вуиз, огез – вожвылъяськонэ ӧз пыриськы (вазиськон конкурсэн чаклам дырлэсь бергес ыстэмын вал). Вуэм ужъёс пӧртэм жанръем — выжыкыл, верос, кылбур.

    Вожвылъяськонэ пыриськисьёслэн арлыдзы 3 но ӝыны аресысен 12-озь. 18 уж вуиз Удмурт Элькунысь, одӥгез – Татарстанысь, тросэз ужъёс быдэстэмын Ижкарысь нылпиосын.

    Конкурсэ ыстэм ужъёсын тодматскыны луоз «ВКонтакте» сайтысь «Удмурт нылкышно кенеш» (https://vk.com/udmurtnylkyshno) но «Билингва» (https://vk.com/bilingvaudm) огинлыкъёсысь.

    Озьы ик вань луонлык бырйыны кельшымон ужез но сётыны со понна куара – лайк пуктыса. Тужгес трос лайк люкам уж нимысьтыз кузьымен пусйиськоз.

    Конкурсэз радъяз «Билингва. О практиках формирования двуязычия в современной городской среде» ӵектос, «Удмурт нылкышно кенеш» огазеяськон, азьмурт грантъёсъя Фондлэн но йӧскалык политикая министерстволэн юрттэмзы улсын.