«Театральное Приволжье» округъя фестивале пыриськисьёс понна куара сётон йылпумъяське Удмуртиын

    «театральное приволжье» округъя фестивале пыриськисьёс понна куара сётон йылпумъяське удмуртиын 1

    Туннэ нуналлы спектакльёсты 19 сюрс 377 адями учкиз ини.

    Студентъёслэн (егитъёслэн) театр коллективъёссы пӧлын Ижкарысь нылпи колониысь театр студилэн но Нылпиослэн «Надежда» инклюзив мунё театрзылэн Сергей Есенинлэн кылбуръёсызъя ӵош дасям «Непринятый» спектакльзы азьветлӥсь луэ. II степенё лауреат луэм спектакль понна 550 адями куаразэ сётӥз ини.

    Школа коллективъёс пӧлын нырысетӥ интыын Гран-при утэм Калык творчествоя элькун юртысь Балетъя «Радуга» театрлэн «Волшебный сундук» балетэз. Сое 778 адями кельшытӥз.

    Пусъём, та постановка вожвылъяськонлэн округъя люкетаз элькунмылэсь данзэ уте. Вожвылъяськон 1-тӥ гудырикошконэ кутскиз.

    Калыкен быръем спектакльёсты «Театральное Приволжье» фестивальлэн улосвыл люкетаз вормисьёсты но пыриськисьёсты данъян ужрадын куарусён пумын пусъёзы

    Улосвыл люкетын вормисьёслэн спектакльёссылэн видеоверсиосыз фестивальлэн нимлыко сайтаз поттэмын. Азьланяз соосты улосвыл телеканалъёслэн вотэс бамъёсазы возьматозы.

    Спектакльёс понна куара сётыны «Мынам Удмуртие» телерадиокомпанилэн сайтаз луэ. Нош татысь фестивальлэн округъя люкетаз пыриськисьёслэсь ужъёссэс адӟыны луэ.

    Тодэ вайытом, «Театральное Приволжье-2019» фестивальлэн улосвыл люкетэзлы йылпумъянъёс лэсьтӥзы но куара сётон ялӥзы 19-тӥ пӧсьтолэзе.

    «Театральное Приволжье» фестиваль – ӵектос, кудӥз творчествоя быгатонлыкъёсты шараяны юрттэ. Ужрад Росси азьмуртлэн Приволжск федерал округъя ужоскето муртэз Игорь Комаров кичӧлтэмъя радъяське. Улосвылысьтымы оргкомитетэн Удмуртиысь лулчеберетъя но туризмъя министерство но дышетонъя но тодосъя министерство кивалто. «Театральное Приволжье» — Россилэн азьмуртэзлэн пуктэтэзъя ялэм Театрлэн арез улсын ортчись огез тужгес бадӟымез ужрад луэ.

    https://udmurt.media/udm/news/kultura-i-turizm/64541/