Пётр Данилов Татарстанысь Балтаси ёрослэн Дано муртэз луиз
«Айкай» театрлэн кивалтӥсез, «Удмурт Кенеш» огазеяськонлэн Йӧскалык премиосъя комиссиезлэн тӧроез Пётр Павлович Данилов Татарстан Элькунысь Балтась ёрослэн Дано муртэз луиз.
Та нуналъёсы Фольклор кырӟанъя но эктонъя «Айкай» кун театр гастролен Татарстанэ потэмын. Одӥгез концертсы Балтась лулчеберетъя юртын ортчиз. Отын ик Пётр Павловичлы сӥё-дано ним сётэмын вал.
Пусъём, П.П. Данилов ӵапак вордскемын Балтась ёросын, Вуж Кушкет удмурт гуртын.