Ижкарын покчи Чеберайёсты но Батыръёсты бырйизы

Ижкарысь 284-тӥ номеро нылпи сад туж шуныт пумитаз «Пичи Чеберайёс но Батыръёс- 2024» вожвылъяськонэ пыриськись пиналъёсты. Кырӟазы, эктӥзы, семья сям-йылолъёсынызы тодматӥзы Ижкарысь нылпи садъёсысь но школаосысь 24 кузя пиналъёс. Шӧдӥськиз анай-атайёслэн но визьнодасьёслэн та ужрадэ сюлмысь пыриськемзы.

Покчиослэсь тыршемзэс дунъяны удалтӥз Эшъяськон юртын ужась методистлы Наталья Глезденёвалы но.

Вань пиналъёсты ческыт кузьымен но Удмурт йӧскалык театре но Кузебай Герд нимо йӧскалык музее ветлыны билетъёсын шумпоттӥзы.

Вожвылэъяськонлэн 2-тӥ люкетаз потӥзы: 112-тӥ нылпи садысь Яковлев Степан но Русаева Амира, Кузебай Герд нимо гимназиысь Широбоков Степан но Ди Маджио Ульяна Грейс.