«Гурт адями-2018» конкурслэн куара сётон люкетэз кутскиз

    «гурт адями-2018» конкурслэн куара сётон люкетэз кутскиз 1

    Туэ, кылем аръёсын ӵошатыса, конкурсэ дэмлам муртъёс туж ӧжыт — 8 мурт гинэ.

    Вожвылъяськон ортчоз кык номинацияя. Дурбасьтыны луоз таӵе муртъёс понна:

    «Выжыоссэ утись» номинацияя — Любовь Долгова — Грак ёросысь Вылӥ Эгра школаысь дышетӥсь;

    Владимир Ботников — Пичи Пурга ёросысь Баграш-Бигра гуртысь ботё выжыез утись но азинтӥсь;

    Надежда Бочкарёва — Кияса ёросысь Вуж Салья школаысь дышетӥсь.

    «Ӟеч сюлэм» номинацияя — Ангелина Урасинова — Балезино ёросысь Юнды гуртысь бесерман калык культураез утись;

    Николай Соколов — Пичи Пурга ёросысь Баграш-Бигра гуртысь музей лэсьтӥсь;

    Валентина Осипова — Кияса ёросысь Вуж Салья школаысь дышетӥсь (вожвылъяськонэ ӵектэмын вал кылем арын);

    Надежда Печникова — Кияса ёросысь Уддяди гуртысь хореограф.

    Дурбасьтон кыстӥськоз 1-тӥ февралёзь. Конкурслэн ортчемез сярысь юалляськыны луоз (3412) 73-33-42, 8-951-195-37-65 телефон номеръёсъя.