Ӧжыт лыдъем калыкъёслэн лулчеберетъя форумзы ортчоз Ижкарын коньывуонэ

Удмуртие кунлэн пӧртэм улосвылъёсысьтыз покчи калыкъёслэн ыстэм муртъёссы лыктозы.

Форумез пленарной кенешон но бесерманъёслэн фольклор коллективъёссылэн концертсы усьтозы.

Собере куноос котрыес ӝӧк сьӧрын кенешонъёсы пыриськозы. Соос бесерманъёслы но Россиысь ӧжыт лыдъем выжы калыкъёслэсь лулчеберетсэс утёнын устоосыз ужан амалъёслы сӥземын луозы.

Озьы ик форуме люкаськемъёс удмуртъёслэн йылолъёсынызы тодматскозы, «Лудорвай» музей-заповеднике, Пётр Чайковскийлэн музей-юртаз, элькунысь театръёсы вуылозы.

Федерал ӵектосэз Россиысь но Удмуртиысь лулчеберетъя министерствоос улонэ пыӵато.

Ватсалом, таиз форум укмысэтӥез луоз ни. Азьвыл Адыгеяысь Майкопын люкаськылӥзы. Озьы ик форумъёс Грозныйын, Хабаровскын, Читаын, Элситаын, Уфаын, Чебоксарын радъяськылӥзы.

Тодэ вайытом, Удмуртиысь калыкъёс сярысь «Возвращение к истокам» энциклопедиын вералозы.

https://udmurt.media/udm/news/obshchestvo/67223/

Контентмейкер, мемолог и журналист

Дом Дружбы народов
Добавить комментарий