Ӧжыт лыдъем выжы калыкъёслэн форумзы усьтӥськиз

Форуме пыриськисьёс – егит азьветлӥсьёс, ас калыксылэсь лулчеберетсэ улӟытон но вӧлмытон бордын тыршисьёс. Котькудӥз ик тодматэ ас калыкезлэн лулчеберетэныз но туала улэм-вылэменыз. Форумын вераськон мынэ кылэз, культураез утён но азинтон амалъёс сярысь. Кенешо тунсыко малпанъёсты улонэ пыӵатыны луонлыкъёс сярысь. Ваньзы соос оско – анай кылдэ гажан, калыкдэ утён семья бордысь потэ.

Вера Яр ёросысь Вортча гуртын улӥсь Татьяна Малых: «Библиотекаын-а, школаын-а – котькытын но котькӧня турскы кылэз азинтыны, уз пӧрмы. Нылпиен кулэ семьяын вераськыны анай кылын. Соку гинэ мар ке но пӧрмыны быгатоз».

Форумлэн огез валтӥсь ужпумез — калыкъёс куспын пайдаё эшлыко герӟетъёс кылдытон.

Ужрадэ пыриськисьёс ӵуказе Юкаменск ёросэ мынозы. Отын соос бесерманъёслэн лулчеберетэнызы но сям-йылолъёсынызы тодматскозы.

Элькунысь Йӧскалык политикая министерство ивортэмъя, таӵе форум нырысьсэ ортче.  

Дом Дружбы народов
Добавить комментарий