«Ӟазег вандон веме» йылол

Веме – со удмуртъёслэн ог-огзылы юрттон сям-йылол. Вашкала дыръя юртъер котырысь уноез ужъёсты ӵыжы-выжыен люкаськыса быдэстылӥзы: пуктӥськон-лэсьтӥськон, ю-тысь изон, гур ӝутон, кыед поттон, колодча гудон.

Бер сӥзьыл ӵыжы-выжыос гурт тылобурдоез вандыны люкаськылӥзы. Бурдоосты удмуртъёс туж трос вордылӥзы. Кузё кышно вазьгес ик нунал пусйылӥз вемее ӧтьыса. Люкаськылӥзы ӵемгес кышноос. Ӟазегез яке ӵожез вандо но мунчоын гонзэ ишко. Нош мисьькыны ошмес дуре мыно. Ӟазег гонзэс шур кузя келяло, вуоно арын нош ик тылобурдозы мед удалтоз шуыса кыл верало.  

Дом Дружбы народов
Добавить комментарий