Яр ёросын дасясько «Губи Fest»-лы

Фестивале вань мылкыд карисьёс пыриськыны быгато, соосты возьмало пӧртэм вожвылъяськонъёс, мастер-классъёс, адӟытонъёс, концерт –ивортэ иворъёсъя «Удмуртия» агентство

Куноосты 10 часысен пумиталозы. Фестивалез сӥё-дано усьтон 12 часын кутскоз. Ужрадэ пыриськозы Яр, Глаз, Балезино, Юкаменск ёросъёсысь, Глазкарысь, бускель Киров улосвылысь Фалёнки ёросысь творчествоя коллективъёс. Озьы ик Можга ёросысь куноосты возьмало.

Фестиваль улсын губилэсь сиёнъёс пӧралозы.

Губияны яратӥсьёс понна «Нюлэскы губияны» конкурс ортчоз. Висъям дыр куспын пусъем интывылын губи бичано луоз .Тужгес трос губи бичам нимаз адямиосты, командаосты, озьы ик тужгес бадӟым губи шедьтӥсез но тужгес пиналзэ губиясез. данъялозы.

Со сяна, фестиваль улсын черебрылко киужъёсты басьтыны, сарваос, корзинаос лэсьтонъя мастер-классъёсы пыриськыны, губиосын туспуктэмъёс лэсьтыны луоз.

Озьы ик «Горд бусы» площадка ужалоз. . Площадкалэн ужаз творчествоя коллективъёс «Ӵужо-гордо ӵашетон» флешмоб ортчытозы. Соос Яр ёросын улӥсен нимысьтыз гожтэм кырӟанэз быдэстозы. Азьланяз со «Губи Fest» фестивальлэн гимнэз луоз.

http://udmurt.media/udm/news/kultura-i-turizm/23224/

Дом Дружбы народов
Добавить комментарий