Яр ёросын бесерман лулчеберетъя фестиваль ортчиз

«Михаил Федотов (1958-1995) – вордӥськиз  Яр ёросысь Ворца гуртын. Со нырысетӥез  бесерман кылбурчи, кудӥз писательёслэн огазеяськонзылэн ёзчиез луиз, – гожтэ аслаз вотэсбамаз бесерманъёслэн азьветлӥсьсы Сергей Антуганов. – Со кылбурчи гинэ ӧй вал, со вал  аслэслаз пичи лыдъем калыкезлэсь историзэ эскерись но».

Фестивальын пӧртэм площадкаос ужазы: пӧраськонъя, быгатонлыкъёсты возьматонъя, крезьгуръя.

Нырысетӥяз, пӧраськонъя «Бесерман ческыт сиён» площадкаын, лыктэмъёс бесерманъёслэсь пӧрамъёссэс веръяны быгатӥзы – льӧмен нянь, картофкаен но пушнерен перепеч, кӧжыен кисаль.

Кыкетӥяз, «Бесермянские мотивы» площадкаын элькунысь кибашлыослэн центръёсазы ужасьёс бесерманъёслэн улоназы кутӥськись арбериосты возьматӥзы – пужъятӥськем, кызьпутуйлэсь арбериос, биньылыса лэсьтэм мунёос.

Нош собере ортчиз концерт. Отчы фольклор коллективъёс пыриськизы. Артистъёс бесерман но удмурт кырӟанъёсты быдэстӥзы. Озьы ик Михаил Федотовлэн кылбуръёсызъя дасям композициос чузъяськизы.

 

Контентмейкер, мемолог и журналист

Дом Дружбы народов
Добавить комментарий