Юкаменск ёросын 3 спасъёсты пусъёзы

Вера Юкаменск ёрос музейысь ужась Елена Зямбаева:

«Праздник-ярмарка со луоз. Отын пусъёмы улмо, чечы но нянь спасъёсты. Ваньбурез вӧсяны баӵко лыктоз. Луоз концерт, «Яблочная фантазия» нимо адӟытон. Отын  улмолэсь но чечылэсь сиён-юонъёсты возьматозы» .

Ужрад ортчоз Юкаменсклэн тужгес но чебер интыяз — Тылысын. Отӥ ортче турмаршрут, «Тайны трёх родников» нимаське со. Отын вань вӧсяськон, пыласькон интыосыз. Сӥземын со семья утисьёслы Пётр но Феврония Муромскийёслы.

«Отын ми ортчытиськом ӟуч сюан но крещение но, — азьланьтэ Елена Зямбаева. — Пыласькыны но ву понна ми доры лыкто Юкаменскысь сяна, палэнысь куноос. Трос вуыло Оренбург, Пермь, Свердловск улосъёсысь. Кунгож сьӧрысь но ветлӥзы ини».

Турмаршрут 2014-тӥ арысен ужа. Пуктэмын сцена, лэчыран, нимысьтыз шутэтскон инты. Нош азьланяз бадӟым юрт пуктӥськоз.

Проект бордын ужало ёросысь культуралэн вань ёзэтъёсыз: клуб, лыдӟиськонни, музей.

http://www.myudm.ru/

 

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий