Этнотуризм сярысь вераськизы финн-угор егитъёслэн эскерон-утчанъя нырысетӥ экспедициязы пыриськисьёс

2 нунал ӵоже соос уйпал ёросъёслэн аспӧртэмлыкъёсынызы тодматскизы ни. Толон егитъёслэн экспедицизы Ижкарын ужаз.

Аспортэмлыкъёсты котыръян вискын котырес ӝӧк сьӧрын кенешон ортчытӥзы. Этнотуризмлэн шугъяськонъёсын но азьланез – со сярысь вераськон нуизы Удмуртиысь йӧскалык политикая министр Лариса Буранова, Элькунысь лулчеберетъя но туризмъя министрлэн воштӥсез Денис Утробин, «Удмурт Кенеш» огазеяськонлэн ёзчиез Леонид Гонин но мукет ӧтем куноос.

Котырес ӝӧк ваче кеношон амалэн ортчиз. Егитъёс экспедицилэн мынэмез сярысь, асьсэлэн малпанъёссы сярысь веразы.

«Улосвылэз эскерон понна бырйем амалмы – экспедиция – туж интыяз, — шуиз Лариса Буранова. Сюрес вылын трос тунсыкоез но шӧдтэк-шорысез пумиське. Нош со ужлэн уката но пайдалыкоез луэ. Форумъёсын но съездъёсын ӵошатоно ке, татын паськыт географиез кутыны луэ».

Тодады вайытом: элькунын эскеронъёсъя егитъёслэн финн-угор эскпедицизы улсын Удмуртие вуизы Липецк, Астрахань, Вологда, Волгоград но Москва улосъёсысь егит ӧнерчиос.

Азьпалан экспедицилэн йылпумъянъёсызъя, Россиез котыръяны малпасьёс улосвылъёс сярысь нырысь-валысь ивортон шедьтыны быгатозы.

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий