«Этнографияя бадӟым диктантэз» 85 улосвылъёсын гожтозы

Этнодиктантэз 85 улосвылъёсын 2-тӥ шуркынмонэ гожтозы. Со сярысь иворто радъясьёс «Национальный акцент» порталын.

Тужгес но трос площадкаын Удмуртиын (216), Чечняын (137) но Якутиын (102).

Адресъёсты учкыны луоз акцилэн сайтысьтыз,  Россиысь йӧскалык ужпумъёсъя Федерал агенстволэн порталысьтыз но  ВКонтакте мерлыко вотэсысь «Бадӟым этнографи диктант» группаысь.

Диктантэз гожтыны вань мылкыд карисьёс быгато. Со понна улосвылысь одӥгаз площадкае вазиськоно.

45 минут куспын тестысь 30 юанъёслы валэктонъёс сётыса вуттоно. Соос пӧлын 20 юан федерациен герӟаськемын но 10 – улосвылэн.

Акцилы йылпумъян 12-тӥ толсуре Росси Конституцилэн нунэлэзлы лэсьтозы.Нош юанъёслы шонер валэктонъёсты но тужгес ӵем пумиськись янгышъёс сярысь ивортонэз 10-тӥ шункынмонэ поттозы.

«Этнографияя бадӟым диктант» куинетӥ ползэ радъяське. Кылем арын сое Росиысь но кунгож сьӧрысь 2600 площадкаосын 367 сюрс адями гожтӥз.

 

Контентмейкер, мемолог и журналист

Дом Дружбы народов
Добавить комментарий