Эруын лэсьтэм туспуктэм коньдонкузьымен пусъемын

Конкурсэ 123 адями пыриськиз, арлыдзы 9 аресысен 67 аресозь. Эстоние соос ыстӥзы оглом 540 ужъёссэс. Туспуктэмъёс вылын возьматэмын Эстониысь, Финляндиысь, Россиысь, Грузиысь но мукет кунъёсысь вӧсь интыос.

Коньдонкузьымен пусъемын 19 ужъёс. Соосын тодматскыны быгатоды татын: www.maavald.ee/ru/news-ru/5107. Тужгес егит туспуктылӥсьёс пӧлын вормиз 10 аресъем Моон-Лее Паюла «Илумяэысь вӧсь беризь дорын» уженыз. Солы сётӥськоз 200 евро. Николай Анисимов басьтӥз Эстониысь выжы калыкъёслэсь коньдонкузьымзэс, солэн быдӟалаез 300 евро. Валтӥсь кузьымез — 1300 евро — утӥз Эстониысь Маргус Вилисоо. Солэн «Йӧ улын — пыдэстэм инсьӧр дунне» нимо туспуктэмез вылын — Сааремаа шормуӵысь Пюхаярв ты.

http://udmdunne.ru/2017/11/ehruyn-lehstehm-tuspuktehm-kondonkuzymen-pusemyn/

Контентмейкер, мемолог и журналист

Дом Дружбы народов
Добавить комментарий