Эмакадемиын дышетскись «Татар кызы – 2018» вожвылъяськонлэн финалаз потӥз

Конкурслэн быръён люкетаз Казане Россиысь 30-лэсь трос нылъёс вуизы. Ваньзы соос улосвылъёсазы вормисьёс луизы.

«Мон понна тужгес но секыт вал визьсынанъя этапез, – шуэ Диляра Гильмутдинова. – Отчы сочинение, тест, мадиськонъёс, лэчыт веранъёс пыризы. Туж трос юанъёс вал но ӧжыт дыр. Озьы ик дунъясьёс лапша лэсьтыны быгатэммес эскеризы. Сое шонер лэсьтоно ке, со тетрадь бамлэсь зӧк луыны кулэ ӧвӧл. Эшшо ми нылкышноослэн йыразы нуллонэз – калфакез – пужъятӥм. Туж синмаськи Казань карлы. Котькытӥ паймыса, ымме усьтыса ветлӥ».

Конкурсэ пыриськисьёс Казаньысь историен герӟаськем интыостӥ ветлӥзы, фотосессиосы пыриськизы. 4-тӥ гудырикошконэ Арске вуылӥзы. Отын карлэсь нуналзэ пусйизы. Праздникын финалэ потэм 12 нылъёслэсь нимъёссэс шараязы. Соос пӧлын Австриысь, Литваысь, Казахстанысь, Москваысь, Оренбургысь, Ульяновскысь но мукет каръёсысь нылъёс.

«Баллъёсы бадӟымесь ке но вал, туж сюлмаськи, – шуэ Диляра Гильмутдинова. – Сюлмаськи нылъёс понна но. 5 нунал ӵоже ми ваньмы эшъяським».

Диляра Гильмутдинова конкурслэн финалаз дасяськыны кутскиз ини. Со коньвуонэ Казаньын ортчоз.

 

Контентмейкер, мемолог и журналист

Дом Дружбы народов
Добавить комментарий