Элькун «Гербере» 8 сюрс пала адямиосты возьмало

Можга ёрос  элькун «Гербер» шулдыръяськонэз кыкетӥзэ ортчытэ ни. Соин ик бадӟым праздникъёсты радъянъя ужан амалъёсын тодмо. Быръем инты – Можга вӧзын интыяськем Сюга гурт. Со элькун «Герберез» пумитаны умой тупа. Туннэ-ӵуказе та бусыын пуконъёс, куно пумитан капка, сценаос кылдозы но чеберман ужъёс куктскозы.

Вера Можга карлэн тӧроез Аркадий Вершинин: «Шулдыръяськонэз ортчытыны трос интыос ӵектэмын вал. Вал малпан Вало шур дурын ортчытыны шуыса, но со кыдёкынгес. Собере инты шедьтим Можгалы матынгес, карысь адямиос но мед лыктозы шуыса. Сюга гурт Можга вӧзын интыяськемын. Калык отчы пыдын но лыктыны быгатоз. Озьы ке но Можгаысь транспорт лэземын луоз».

«Гербере» дасяськисьёс уз йыроме – оскыто ёрос кивалтисьёс. Можга карлэн валтӥсь урамъёсыз кузя шулдыръяськонэ нуись сюрес возьматэмын луоз.

Нош али шулдыръяськонлэн пуштросэз бордын уж «пӧзе». Праздниклэн огъя радлыкез дасямын. Табере чыры-пыры ужъёсты сак чаклано – «Гербере» вуэм котькуд адями удмурт шулдыръяськонлэсь вань чеберзэ адӟыны мед быгатоз.

«Гербер» шулдыръяськонлэн радлыкез:

9.30–10.30 — куно пумитан

10.00–16.00 — «Усточикар» — Удмуртиысь чеберлыко киужъёсъя юртъёслэн арбериосыныз адӟытон-вузкарон

«Вало-вало» — пӧртэм адӟытонъёсын вормем валъёсты возьматон

«Андан валъёс» — гурт возёс техникаез возьматон

«Вузкаронни» — сиён-юонъёсын вузкарон

11.00–12.00 — «Тӧршор» — «Гербер» праздникез сӥё-дано усьтон

«Мудор» — ӝукез вӧсян

12.00–12.30 — «Азвесь геры» — гырисьёслэн вожвылъяськонзы, элькунысь муниципал кылдытэтъёслэн тӧрооссы понна вожвылъяськон

12.30–13.00 — «Кунокуа» — куноосты пумитан азбаръёсын нуназеян

12.30–16.00 — «Сергейёслэн азбарзы» — куноосты пумитан азбаръёс азьын творчествоя площадкаос

«Жингрес возьвыл» — Удмуртиысь но Россилэн улосвылъёсысьтыз творчествоя коллективъёслэн возьматонзы

«Шудон азбар» — нылпиослы но семьяослы шудон программа

«Батыр шудонъёс» — йӧскалык спорт амалъёс, шудонъёс, вожвылъяськонъёс

16.00 — нимлыко делегациосты келян

18.00–22.00 — «Шундэктон» — егитъёслы шулдыръяськон программа, пыриськозы удмурт эстрадаысь коллективъёс но кырӟасьёс.

 

 

 

 

Контентмейкер, мемолог и журналист

Дом Дружбы народов
Добавить комментарий