Элькунысь данлыко кунмуртъёсты но коллективъёсты сӥлы каризы Удмуртилэн тӧрлыкез дорын Кун приёмын

Ужрадын азинлыко ужась нимаз адямиосты но коллективъёсты сӥлы каризы, соослэн нимъёссы элькунлэн Данъян пул вылаз пыртэмын.

“Кунлэн зэмос кужымез – со малпаськыны но кылдытыны быгатӥсь адямиос, данъямзэс возьматэк ужаны дась адямиос. Асьме музъеммы сыӵе адямиосын котьку узыр вал но соосын данъяськылӥз. <…> Соос аспӧртэм арбериос кылдыто – ракетаос но автоматъёс, сиён-юонъёс но трикотаж”, – пусйиз Александр Бречалов, Удмуртилэн тӧроез.

Пумиськонэ улосвыллэсь Дано кунмуртъёссэ, таиз ар понна Удмуртилэн Кун премиезлэсь лауреатъёссэ, ужась коллективъёслэсь кивалтӥсьёссэс ӧтизы. Данъян пул вылэ 50 адямиослэсь но 13 коллективъёслэсь нимъёссэс пыртӥзы. Улосвыл кивалтӥсь котькудӥзлы данъям сярысь ужкагазъёс сётӥз.

Со сяна, Александр Бречалов нимысьтыз ӟечкылаз Вотка ёросысь чорыг вордонъя «Пихтовка» возёслэсь кивалтӥсьсэ Георгий Крыловез, Сарапулысь электрогенератор заводлэсь кивалтӥсьсэ Сергей Мусиновез но элькунысь МВД-лэн кунпуш ужъёсъя ёзэтъёсысьтыз но кунпуш войскоосысь ветеранъёслэн кенешсылэн тӧроез Герман Санниковез. Соосты Удмуртилэн Дано кунмуртъёсыз пӧлы пыртӥзы.

https://udmurt.media/udm/news/obshchestvo/44491/

Контентмейкер, мемолог и журналист

Дом Дружбы народов
Добавить комментарий