“Элькуновидение-2018” конкурслэн финалаз 14 кырзасьёс потӥзы

Соослы но залэ люкаськем калыклы ӟечкыланъёсын вазиськизы кивалтэтлэн тӧроез Ярослав Семёнов, лулчеберетъя министр Владимир Соловьёв, печатья но ивор вӧлмытонъя агентстволэн кивалтӥсез Алексей Воронцов, “Удмурт Кенеш огазеяськонлэн тӧроез, Кун Кенешысь депутат Татьяна Ишматова, Елена Дербилова, Мынам Удмуртие» телерадиокомпанилэн кивалтӥсез Марина Городилова.

Ёросъёсысь жюрилэн баллъёсызъя, нырысетӥ интые потӥз Дэбес ёросысь Артемий Гаврилов «Мон – удмурт» нимаськись кырӟанэн.

«Мон туж шумпотӥсько, та кырӟанэз кылӥзы, валазы шуыса, оскизы та кырӟанлы. Туж бадӟым тау карисько, кин мон понна куаразэ сётиз, озьы ик кин кылзӥз монэ, учкисьёслы туж бадӟым тау», – вера Артемий Гаврилов.

Пусйыны кулэ, та йылпумъян ӧвӧл на. Аслэсьтыз мылкыдзэ вералоз на професионалъёслэсь жюри – соослэн баллъёссы ватсаськозы таосыз борды.

Вормисез быръёнын валтӥсь инты басьто на учкисьёслэн куараоссы но.  Элькунлэн нуналаз, 4-тӥ шуркынмонэ, “Мынам Удмуртие” телеканал пыр возьматэм бере котькин быгатэ аслаз синмаськымон кырӟасез понна смс пыр куаразэ сётыны.

http://www.myudm.ru/

Контентмейкер, мемолог и журналист

Дом Дружбы народов
Добавить комментарий