«Элькуновидение-2018» вожвылъяськонэ куриськонъёсты куарусён пумозь кутозы

Конкурслэн быръён люкетэз ортчоз 6-тӥ – 7-тӥ коньывуонэ. Со пыр потэмъёс асьсэды сцена вылын возьматозы 20-тӥ коньывуонэ. Вормисьёслэн нимъёссы тодмо луозы Элькунлэн кунлык басьтон нуналаз, 4-тӥ шуркынмонэ.

Ассэ вожвылъяськонэз ортчытонэ туэ бадӟымесь воштонъёс пыртэмын ӧвӧл. Азьвыл аръёсы сямен ик, ёрослэсь данзэ утись кырӟась но солы кырӟан гожтӥсьёс та ёросысь потэмын луыны кулэ. Нош жюрие лэзёно адямиосъя куронъёс чурытатэмын.

«Туэ положениын ик гожтэмын, одно ик чакланы кулэ, кин лыктоз жюрие, – вера  «Мынам Удмуртие» ТРК-лэн валтись редакторезлэн тороез Сергей Касаткин. – Милям ӵектонмы, нырысь ик, со «Элькуновидениее» азьвыл аръёсы пыриськылэм адями мед луоз. Нош сыӵе адямизы пӧлазы ӧз ке сюры, одно ик со культура удысэн герӟаськемын мед луоз. Жюрилэн ёзчиез пумысен вазиськон ми доры келяку, соос – келясьес, рос-прос пусйыны кулэ, валэктыны, малы одно ик та адямиез келяло шуыса».

http://www.myudm.ru/

Контентмейкер, мемолог и журналист

Дом Дружбы народов
Добавить комментарий