“Элькуновидение” конкурсэ пыриськисьёслэн лыдзы йылэ

Шаркан ёросысь конкурсантлэн нимыз тодмо луиз. Отын бырйён концерт ортчиз. Жюриос огкылысь куаразэс сётизы Павел Смирнов понна. Со быдэстӥз аслэсьтыз "Ялан возьмаськод" кырӟанзэ.

Шарканъёслэн «Элькуновиденилы» рос-прос дасяськемзылэн пайдаез син азьын. Соослэн кырӟасьёссы элькун вожвылъяськонын валтӥсь интыосын луо. 2013-тӥ арын 2-тӥ интые потӥз Наталия Юферовалэн но Владимир Ивановлэн быдэстэм кырӟанзы, 2015-тӥ арын озьы ик кыкетӥ луиз «Забава» ансамблен быдэстэм кырӟан, нош 2014-тӥ ар Шаркан ёрослы вормон ваиз. Соку «Сюлэм но мон» кырӟанэн 1-тӥ интыез басьтӥз «Тулкым» ансамбль. Жанна Пестовалэн верамезъя, азьвыл аръёслэн вормисьёссы «Элькуновидение» выльысь пыриськыны быгато.

Дом Дружбы народов
Добавить комментарий