Элькунамы «Зарни песянаез» бырйизы

Вожвылъяськонэ пыриськыны мылкыд карыса, 27 вазиськонъёс вуизы. Жюри пӧлысьтызы тужгес но устооссэ бырйиз. Конкурслэн куронъёсызъя, песянайёслэн ӧжытсэ 3 нунокъёссы луыны кулэ. Но финалэ потэмъёс ваньзы ик трос полэс песянайёс вал.

«Зарни песянай» вожвылъяськон  туэ 5-тӥзэ ортчиз. Праздник кылдӥз Брангуртысь песянайёслы луыса. Соос 5 ар талэсь азьвыл “Евровидение” конкурсын 2-тӥ интые потӥзы. Конкурсэ пыриськисьёсты ӟечкыланы но мылкыдзэс ӝутыны вуылӥзы асьсэос Брангуртысь песянайёс но.

Вожвылъяськон ортчиз росси форум радын. Удмуртие арлыдоосын ужан амалъёсын тодматскыны пӧртэм улосъёсысь куноос вуизы. Соос но конкурсэ пыриськисьёс понна залын висизы.

«Асьмелэн вань яркыт праздникмы – песянайлы сӥзем праздник со, – вера Удмуртиысь культурая но туризмъя министрлэсь ужзэ быдэсъясь Владимир Соловьёв. –  Брангуртысь песняайёслы тау карыны кулэ, таӵе праздник кылдӥз шуыса. Со только Удмурт Элькунын гинэ. Москвалы но со тунсыко луиз и дэмлазы асьме дорын сыӵе ужрад ортчытыны».

Песянайёслы семьязэс, устолыксэс котыр ласянь возьматоно луиз. Кызьы шуизы конкурсэз радъясьёс, финалэ шедемъёс – ваньзы ик зарниесь. Но зарни но пӧртэм пробаем луэ. Озьы ик, песянайёсты но устолыксыя, быгатонлыксыя дунъязы. Вормисе потӥз Пичи пурга ёросысь Итэш гуртысь Надежда Емельянова.

http://www.myudm.ru/

 

Контентмейкер, мемолог и журналист

Дом Дружбы народов
Добавить комментарий