«Эктоника» ӵектос “Радиомания” нимо вожвылъяськонын нимысьтыз кузьымен пусъемын

"Радиомания" нимо вожвылъяськонын вормисьёсты Москваын сӥлы каризы. «Эктоника» ӵектосэз "Йӧскалык культураез азинтон удысын ужамзы" понна дунъязы.

«Эктоника» нырысьсэ радиоэфирын чузъяськиз ӵапак 8 ар талэсь азьло. Чакламын со удмурт егитъёс понна. Котькуд кӧснуналэ 22 часын ӝыт Пётр Пушкин но Вероника Ваулина радио пыр, кылзӥсьёслэсь вуэм саламъёссэс лыдӟо, туала удмурт кырӟанъёсты эфире пуктыло, ӧтем куноосынызы верасько.

Али огшоры радиопрограмма шулдыръяськонъёсты радъянъя быдэс ӵектослы пӧрмиз ини, нуисьёс крезьгуръёсты гожъяны-чеберманы кутскизы, егит кизилиосты усьтыло.

Дом Дружбы народов
Добавить комментарий