«Шӧкычлы» — 55

Сцена вылын маскаръяськыса пусйизы «Шӧкычлэсь» юбилейзэ. Ужрадэ вуылӥзы быдэс Элькунысьмымы кыллы-бурлы, серекъяны усточиос — Шарканысь Пётр Вахрушев, Якшур-Бӧдья ёросысьТатьяна Кайсина но Елена Тронина, Ирина Эсенкулова, Пичи Пургалась Нина Шутова, Дэбес ёросысь Галина Роготнева, Дэри палъёсысь Николай Трубачев но Галина Захарова, Шаркан ёросысь Ирина Весёлых, Ува палъёсысь Ирина Чиркова, Ижысь Василий Пахомов. Таосын ӵош ик — маскарчиос, асьсэос «Шӧкыч» бамез лэсьтонэ пыриськылэмъёс — Рашид Хайдаров, Александр Суворов, Анатолий Григорьев. Нимысьтыз ӧтем куноос пӧлысь куд-огез серемес веросъёс гожъяло ке но, асьсэос нырысьсэ сцена вылэ тубазы — соосты нырысетӥ дебютэн ӟечкыланы луиз. Но данакез соос сцена вылын уло ни, шуыны луоз, кылсярысь, Ирина Эсенкуловаез, Татьяна Кайсинаез но Елена Тронинаез зэмос артистъёсын сураны кема ик ӧвӧл.

Юбилейлы луыса, Сэпын «Шӧкычлы» кар лэсьтӥллям. Клубын ужасьёс юри ветлӥллям шӧкыч каръёсты утчаса. Шедьтӥллям артысь Лужанысь. Выль карлэсь буёлзэ солы матын карыны выриллям.

Интыязы шӧкыч карез гуртысь ик «Лӧптэм табань» нюкын. Отын гурез но, пукон интыез но вань. Со табере маскаръяськон интылы пормоз. Шӧкыч кар котырын гурт, ёрос, элькун ужрадъёс ортчылозы.

http://www.myudm.ru/

 

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий