«Шунды» огазеяськонлы выль тӧро бырйизы

«Шундылэн» 14-тӥ йылпумъян-быръён конференцияз 80-лэсь ятыр адями люкаськиз. Со Элькунсьтымы сяна, бускель шаеръёсысь вуэм куноос, удмурт мер огазеяськонъёслэн ёзчиоссы. Ольга Трониналэсь ужзэ азьланьтоз Алина Чернова. Егит кивалтӥсь вера азьпал ужпумъёсыз сярысь:

– Нырысь ик ми, «Шундыос», азьланьтом улонэ пыӵась проектъёс бордын ужмес. Но огазеяськонлэсь пуш радлыксэ тупатыны тыршомы. Правленилэн котькуд ёзчиез аслэсьтыз ужан ӧрзэ нуоз: кин ке борды лулчеберетэз юнматом, кин ке сайтэз нуоз. Озьы ик котькудӥз ёзчи ёрос борды юнматэмын луоз на. Правленилэн ёзчиосыз ваньзы «Шундыкар» лагерь пыр потэмын. Кызьы соос ужаны быгато, ми соосты адӟим ини 2-3 ар ӵоже. Соос 13 кузя – пӧртэм ёросъесысь, пӧртэм дышетсконниосысь. Выль проектъёс сярысь верано ке, соос малпанъёсамы гинэ ай. Одӥгзэ соос пӧлысь шараяло. Студентъёслы «Шундыкар» лагерь ужа, школьникъёслы – «Шундысиос», нош, шуом, заводъёсын ужась егитъёс палэнэ кылё. Одно ик соослы мар ке но тунсыкозэ малпалом.

Дом Дружбы народов
Добавить комментарий