«Шундыкар» лагерьын вожатой луыса ужаны мылкыд карисьёс понна конкурс ялӥзы

Вожатойын ужаны малпасьёслы 18 арес тырмемын мед луоз. Вожвылъяськонэ пыриськисьёслы кӧня ке ужъёсты быдэстыны кулэ.

«Соос ӝыт ужрадлы сценарий малпало, собере «Мон зэмос шундыкар вожатой» темая асьсэ сярысь эссе гожто.  Ӵемгес со луо выпускникъёс, кинъёс уг быгато ни «Шундыкаре нылпи сямен мыныны, соос гожъяло вожатойёслэн конкурсазы. Валтӥсез — удмурт мед луоз, удмурт кылын вераськись, удмурт лулчеберетэз валась, гажась», — вераз удмурт егитъёслэн «Шунды» огазеяськонзылэн но «Шундыкарлэн» кивалтӥсез Алина Чернова.

«Шундыкар» лагерьын ужаны мылкыд карисьёслэсь ужъёссэс 25-тӥ инвожоозь кутозы, йылпумъянъёс тодмо луозы 30-тӥ инвожо бере.

Тодэ вайытом, удмурт усточи пиналъёс понна «Шундыкар» лагерь 20–29 гудырикошконэ «Ёлочка» лагерьын ортчоз. Та дыре отчы шедьыны мылкыд карисьёслэсь куриськонъёссэс кутон мынэ.

http://udmurt.media/udm/news/obrazovanie-i-nauka/20344/

Контентмейкер, мемолог и журналист

Дом Дружбы народов
Добавить комментарий