Шулдыртӥзы красногорьеос

Красногорье ёросын портэм калыкъёслэн лулчеберетъёссы азинско- зучъёслэн, удмуртъёслэн, бигеръёслэн; ӟуч калык пӧлын нимысьтыз висъясько староверъёс. Берло аръёсы Бараны гуртын радъяське староверъёслэн «Петровское заговенье» шулдыръяськонзы.

Фольклор узырлыкез, калык сям-йылолъёсты утён бордын Красногорье ёросын ужало «Венок» калык лулчеберетъя юрт, удмурт культурая «Жильыртӥсь ошмес» но ӟуч культурая «Русский двор» юртъёс.

Красногорьеос асьсэдын тодматонэз «Второе рождение дерева» адзытонэн но «Родная страна» фотовыставкаен кутскизы. Тужгес яразы пичиослы но, бадзымъёслы но «Шудо тылобурдо» лэсьтонъя мастер-классъёс. Мыло-кыдо пыриськизы куноос «Русская вечорка» шудон программае но.

Концертэ пыриськизы «Горенка «Красногорские родники», «Апельсинки», Созвучие БИТ», солист «Фиеста», «Радуга» но мукет коллективъёс.

Куноосты но учкисьёсты та синмаськымон ужрадэн ӟечкылазы Удмурт Элькунысь ӟуч культурая огазеяськонлэн кивалтӥсез С.С. Фефилов, культурая но туризмъя министрлэе воштӥсез П.П. Данилов, йӧскалык политикая министрлэн юрттӥсез Л.Ю. Соковикова, МО «Красногорье» ёрослэн кивалтӥсез В.С. Корепанов. Таяз арын ёросъесын тодматсконэз усьтӥзы алнашъёс. Туэ «В кругу друзей» мерлыко проект улсын чакламын радъяны куать пумиськон.

Дом Дружбы народов
Добавить комментарий