Шошма шур уг жильыра токма

Книгаез кылдытон бордын Татарстанысь Балтаси ёросысь Сыръя гурт клублэн кивалтӥсез Леонид Сапожников кызь арлэсь ятыр тыршиз. Люкам материалъёсыз пӧлысь тросэз «Кенеш» журналын печатласькылӥзы. (Соосты учкыны быгатоды 2008-тӥ арын потэм номеръёсысь).

734 бамъем книгае шошма удмуртъёслэн кырӟанъёссы, эктонъёссы но шудон-шулдыръяськонъёссы пыртэмын, кык аудио но кык видео дискъёс ватсамын.
Бичетэ пӧртэм вакытъёсысь сюрслэсь трос кырӟанъёс пыртэмын, тросэз — ньыль чуръемесь, пуштроссыя туж пӧртэмесь луо.

Тужгес но бадӟым инты басьто зоутэн ӝӧксьӧр кырӟанъёс, собере мыно кисьтон кырӟанъёс, лекрут, сюан гуръёс, егитъёслэн такмакъёссы, шудонъёс…

Книгалэн макетэз 2011-тӥ арын дась вал ни ке но, печатланы луонлыкъёс ӧз кылдэ. Туэ но дас книга гинэ поттэмын, 55 сюрс манет тыр усиз со. Книгалы кулэяськисьёс вань.

«Милемлы та книга сокем шумпотымон но данъяськымон. Нокыӵе коньдон со понна жаль ӧвӧл. Сое кылдытон бордын тыршисьёслы, тау карыса, музъемозь йыбырттэм потэ», — шуэ книгаез акцион пыр 5 сюрс 900 манетэн басьтэм нылкышно.

Одӥгез лыдӟись сое 8 сюрс 500 манетэн басьтыны мылкыд кариз. Книгаез бадӟым тиражен поттыны коньдон люканы кулэ на. Оскем потэ, лыдӟись доры сюрессэ книга одно ик шедьтоз.

https://vk.com/public169229677

Контентмейкер, мемолог и журналист

Дом Дружбы народов
Добавить комментарий