Шаркан ёросын “Эру” шулдыръяськон ортчиз

Татчы элькунысьтымы сяна, Татарстанысь но Пермь улосысь пиналъёс вуизы. Вожвылъяськонэ огъя 10 командаос пыриськизы.

Кык нунал ӵоже соос удмурт лулчеберетэз но сям-йылолъёсты тодэмзэс возьматӥзы, пӧртэм вожвылъяськонъёсы пыриськыса, асьсэ командазылы балъёс люказы.

Праздник улсын “Кык дыдыкъёс” ӵошатскон но ортчиз. Вожвылъяськонэ пыриськись паръёс карнанэн ошмесысь ву ворттӥзы, эктыны быгатэмзэс возьматӥзы, пиос пукыӵен ыбылӥськизы, нылъёс черсӥзы. Вань вожвылъяськонъёс пыр ортчыса, «Кык дыдыкъёс» луизы Вавож ёросысь Гурезь-Пудга гуртысь пиналъёс.

Нош огъя командаос куспын ӵошатсконын 1-тӥ инты басьтӥз Татарстан улосысь Агрыз ёросысь Варклед-Бодья гуртысь команда, 2-тӥ инты утӥзы Шаркан ёросысь Кыква гуртысь егитъёс, 3-тӥ интые потӥзы Шаркан ёросысь Ляльшур гуртысь пиналъёс.

“Шаркан ёросын милемыз витетӥ ползэ пумитазы ни. Таяз радэ но шулдыръяськонмы туж ӟечлыко радъямын вал. Праздникмы туж шуныт мылкыдын ортчиз. Оскиськом, быдэ вуонлы сӥзем “ЭРУ” праздник арысь аре паськыталоз гинэ”, – шуэ удмурт егитъёслэн мерлыко “Шунды” огазеяськонзылэн кивалтӥсез Алина Чернова.

Талантливый журналист и законченный турист. Не люблю рутину, но ношу серое.

Дом Дружбы народов
Добавить комментарий