Шаерамы кылдыло «Гурт Кенешъёс»

Куреггурт, Коротай, Чудна, Кабакгуртъёсын улисьёс асьсэос мылкыд каризы «Гурт Кенеше» пырыны. Соос асьэлы азьветлӥсь бырйизы, быдэстоно ужъёс азязы пуктӥзы. Валтӥсь ужпумзы – удмуртлыкез утён, ӝутон.
 
«Милям гуртъёсамы чылкак удмуртъёс уло, – шуэ Глаз ёросысь Куреггуртысь «Гурт Кенешен» кивалтӥсь Маргарита Чибышева. – Калыклэн люкалляськылэмез, ӵошен удмурт ужрадъёс ортчытылэмез потэ. Нош вераськон мугъёс трос. Шуом, табань сярысь ик. Трос тунсыкоез со котырын берга. Удмурт сям-йылолъёс али выльысь улонамы берытско. Тодӥсь мойы калык улэп дыръя соосты егитъёслы вераны, возьматыны кулэ».

Дом Дружбы народов
Добавить комментарий