“Чеберай” марафон – Завьял ёросын

Нырысь спикеръёс дышетон семинар ортчытӥзы. Мылкыд карисьёс Дарали Лели режиссёрен сцена вылтӥ ветлыны дышетскизы. Свети Ручкина концертэныз синмаськытӥз.

“Конкурсанткаосмы туж золэсь вал, выставкаоссы но учкымонэсь. Заявкаос ласянь зол ужазы поселениосын лулчеберетъя удысысь ужасьёс”, – шуэ Ирина Жукова, Завьял ёросысь марафонлэн кураторез.

Кастинге пыриськисьёс театральной постановка возьматӥзы, кылбур веразы, кырӟазы-эктӥзы, арганэн шудӥзы, кин ке тунсыко режиссёрской малпанэныз люкиськиз.

Озьыен, Дэри ёросын вормисе потӥзы:

– Надежда Бутолина (55+),
– Оксана Бисар (35-55),
– Мария Ефремова (18-35).

Проект азьланьтӥське. Ужрад сярысь матысь дыре Финляндиын потӥсь газетын но гожтозы. Дэри ёросын ортчем вожвылъяськонэ вуылӥз Юсси Ниемеляйнен – Финляндиысь “Хельсинки Саномат” бадӟым фин газетысь корреспондент.

Контентмейкер, мемолог и журналист

Дом Дружбы народов
Добавить комментарий