Финн-угор дуннелэн шоркарез 2020-тӥ арын Башкириысь пор гурт луоз

Вуоно арын Финн-угор дуннелэн шоркарез луон понна вожвылъяськонэ Эстониысь Виру-Нигула волость но Кихну шормуӵ, Россиысь Башкортостанысь Мишкино гурт пыриськизы.

Конкурслэн йылпумъян люкетаз кандидатъёсты Удмуртилэн, Эстонилэн, Финляндилэн но Марий Эллэн ыстэм муртъёсcы дунъязы.

Кызьы вераз Эстонилэсь жюрилэн ёзчиез, Финн-угор егитъёслэн ассоциацизылэн (МАФУН) тӧроез Кяби Суви, вормисез быръён кема мынӥз но капчи ӧй вал, угось выжы калыклэн шоркарез луон мылкыдзы эстонъёслэн но, Мишкиноын улӥсьёслэн но туж бадӟым вал. 2020-тӥ арын Эстониын Финн-угор калыкъёслэн дунневыл конгрессы ортчоз, соин ик туж умой кадь, Финн-угор дуннелэн шоркар отын луысал ке, но Мишкиноын туж «меӵ» адямиос, – шуиз Кяби Суви.

Гожтэмын ивортодэтъя «Удмуртия» агентстволэн материалэзъя.

Контентмейкер, мемолог и журналист

Дом Дружбы народов
Добавить комментарий