«Учкы мынэсьтым дэремме»  фестиваль ортчоз

Ужрадэ пыриськозы элькунысь дӥсь вурисьёс, дизайнеръёс, модельеръёс. Соос куспын вожвылъяськон ортчоз.

«Подиум» шоу-фестиваль — озьы нимазы радъясьёс элькун фестивальлэсь одӥгзэ люкетсэ. Татысь адӟыны луоз йӧспӧртэм но со вакытэ ик дышем сямен вурем но керттэм дӥськутъёсты.

Этномодалэн туннэез но ӵуказеез сярысь тодыны луоз лекциос пыр. Соосты лыдӟозы стилист Олег Ажгихин, история тодосъя кандидат Людмила Молчанова, «Айкай» театрлэн кивалтӥсез Пётр Данилов но реставратор Татьяна Москвина.

Фестиваль радъямын удмурт дизайнеръёслэсь, мода театръёслэсь но студиослэсь ужамзэс возьматон но соослэсь устолыксэс будэтон, ужъёссэс вӧлмытон, вашкала удмурт калык сям-йылолъёсты улӟытон но азинтон понна.

http://www.myudm.ru/

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий