Узыё-борыё фестиваль ортчиз Сюмси ёросын
![Узыё-борыё фестиваль ортчиз сюмси ёросын 1](https://udmddn.ru/wp-content/uploads/2023/07/8lLft3VgW8E.jpg)
Люкаськем калыклы шулдыръяськыны, ческыт пӧръёсын кунояськыны куазь зор но ӧз люкеты!
Пичиез но, бадӟымез но пӧртэм радъям вожвылъяськонъёсын быгатонлыкъёссэс возьматыны быгатӥз. Люкаськемъёс понна озьы ик интерактивной площадкаос ужазы: киужъя мастер-классъёс, удмурт эктонъёс, кырӟанъёс. Со сяна, фестиваль улсын «Узыё-борыё инты» нимо ярмарка ужаз. Татын котькудӥз емышъёслэсь пыжиськемъёсты веръяны быгатӥз.
Нош тужгес паймымонэз фестивальын — сюмсиос арысь аре кунооссэс бадӟым пыжем пироген пумитало. Туэ со 31 килограммъем пӧрмиз, нош диаметрез — 1,5 метр. Сое чеберъяны 5 литр узы кулэ луиз.