Ужзэ мытӥз «Меми дор сяськаос» нимо ужрад

«Меми дор сяськаос» нимо ужрадлы кичӧлтон сётиз Ува ёросысь Петропавлово гуртысь Валентина Яковлева. Радъяны юрттӥськиз «Удмурт нылкышно кенеш» огазеяськон. Пумиськон радын кышномуртъёс сяська мерттон-будэтон амалъёсынызы люкиськизы. Будосъёсын герӟаськем вашкала удмурт осконъёсты но тодэ ваизы. Кылсярысь, герань, пе, сьӧд кужымъёслэсь но син усемлэсь уте.

Нимысьтыз вераськон-кенешон мынӥз сяськаослэсь удмурт нимъёссы котырын. Уноез будос нимъёс шедьтэмын ке но, соос вераськонын ичи кутӥсько.

«Югдурез тупатыны луоз, — пусйиз биологи тодосъя доктор Виктор Туганаев. — Со понна асьмелы огкылысь тыршыны кулэ. Тодосчиос та ӧрын дугдылытэк пыр-поч ужало. Ми Серафим Соколовен  «Русско-удмуртский биологический словарь» кылдытӥм вал. Тани Риф Нассибулин лингвистической атлас лэсьтэ. Отчы трос сяська нимъёс пыртэмын».

«Удмурт нылкышно кенеш» огаеяськон «Меми дор сяськаос» проектзэ азьланьтыны чакла. Выль пумиськонъёс мукет еросъёсын орчтозы.

www.myudm.ru/

 

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий