Ужзэ мытӥз «Выжы-выжы-выжыкыл» фестиваль

Фестивале пырисько удмурт кылэз, йылолъёсты дышетӥсь нылпи садъёс. Отчы ветлӥсь пиналъёс Удмуртиын улӥсь калыкъёслэн выжыкылъёссыя удмурт кылын возьматонъёс дасяло. Ужрад Удмуртиын улӥсь калыкъёслэсь йылолъёссэс тодон но элькунысь нылпи садъёсы удмурт кылэз пыртонын выль амалъёсты вӧлмытон вылысь радъяське.

«Ми шумпотӥськомы, фестивальмы пумен паськыт луэ шуыса. Таяз арын Ижкарын гинэ 25 нылпи садъёс пыриськыны мылкыд каризы. Ми соос понна семинар ортчытӥмы, репертуарез, крезьгурез, декорациосты дасянъя ӵектонъёс сётӥм. Пусйымон, унозэ выжыкылъёсты асьсэос визьнодасьёс берыкто — жаляса верано, удмурт кылын дась инсценировкаос туннэ туж ӧжыт», — «Удмурт нылкышно кенешлэн» тӧроезлэсь Надежда Степановлэсь кылъёссэ вера пресс-служба.

Таяз арын фестивалез ортчытонъя 12 площадкаос ужалозы, куинез со пӧлысь — Ижкарын.

Тодэ вайытом, 2016-тӥ арын фестиваль-вожвылъяськонэ 40 пала нылпи садъёс пыриськизы. Йылпумъян люкетаз Ижкарысь, Воткаысь, Глазовысь, но Можгаысь 7 нылпи садъёсысь коллективъёс пуктэм выжыкылъёссэс возьматӥзы.

http://udmurt.media/udm/news/kultura-i-turizm/19353/

Контентмейкер, мемолог и журналист

Дом Дружбы народов
Добавить комментарий