Оглом Приволжск федерал округысь 84 проектъёс быръёнъёсты ортчизы. Тужгес устоосыз нош тодмо луозы Липецкын коньывуон толэзь пумын.
Шаркан ёросысь «Быг-Быг» фестиваль паськытгес ке тодмо ни, Можгалан ортчись «Выль» шулдыръяськон алигес рос-прос радъяськыны одъяз. Солы «элькун» инлык сётэмын. Но ӵапак та удмурт проектъёс туризмъя Росси преми понна вожвылъяськонлэн кыкетӥ люкетаз потӥзы. Нош лауреат ним утӥзы ке, «йӧскалык ужрад» нимо инлык басьтозы.
