«Удмурт пиналлы-удмурт выжыкыл» видеоконкурслы йылпумъянъёс лэсьтӥзы

Конкурслэн валтӥсь мугез — пиналлы выжыкыл веран сямез улӟытон. Соин валче удмурт кылэз будӥсь нылпиос пӧлын гажан мылкыд пыӵатон но анай кылэз семьяосын утён. Вожвылъяськонэ шаерысьтымы 10 семья пыриськиз. Усто выжыкыл лыдӟисез бырйизы интернет пыр куара сётыса.

«Мон учки интернет пыр куара сётӥсьёсты но туж шумпоти пӧртэм выжы калыкъёс но тунсыкъясько кылынымы шуыса, — вера Удмурт нылкышно кенешлэн тӧроез Надежда Степанова. — Трос егитъёс пыриськизы куара сётонэ. Милям валтӥсь малпанмы вал егит семьяос мед адӟем карозы конкурсэ пыриськисьёслы но пиналзылы удмурт кылын выжыкыл лыдӟозы шуыса».

Пичи уж бордысен кутскыса, бадӟым гурезез берыктыны луоно, — шуэ Надежда Степанова. Та конкурс но возьматӥз — выжыкыл пыр анай кылмы котькуд коркае, семьяе пырыны быгатоз. Ужрадын ӟечкылазы вожвылъяськонэ пыриськем Пичи-Пурга, Можга, Сюмси ёросъёсысь но Ижкарысь семьяосты.

 

 

 

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий