«Удмурт нылпилы-удмурт выжыкыл!»

Кызьы тодмо, пиналлэн азинсконаз туж бадӟым инты басьтэ выжыкыл. Нош туала вакытэ трос-а меда анай-атайёс нылпизылы , кӧлон азязы, выжыкыл мадё, эшшо ик удмуртсэ? Чакланъёс возьмато, куд-огаз егит семьяосын пиналэнызы ӵош книга лыдӟон сям но вунэмын ини. Ваньзэ тае лыдэ басьтыса, Удмурт нылкышно кенеш ялэ ««Удмурт нылпилы-удмурт выжыкыл!» интернет – акция. Сӥземын та ужрад Анай кылъёслэн калыккуспо нуналзылы.

Кызьы ивортӥз Нылкышно кенешлэн кивалтӥсез Надежда Степанова, кылем ар пумын огазеяськон ортчытӥз ни вал «Анай выжыкыл» нимо флэшмоб. Удмурт анайёс пиналзылы выжыкыл лыдӟизы но сое, видеое гожтыса, Интернет пыр возьматӥзы.

Таяз ӵошатсконэ пыриськыны быгатозы вань мылкыд карисьёс – анайёс атайёс , песянай-песятайёс но, егит калык. Со понна выжыкыл – удмуртсэ, ӟучсэ, оло, кин ке ачиз но гожъяськыны пӧрмытэ, удмурт кылын мадёно но видео ыстоно «Удмурт нылкышно кенеш Контактын» группае.

Вормисьёсты быръёзы интернет пыр куара сётыса 21-тӥ тулыспалэ Анай кылъёслэн калыккуспо нуналазы. 

Дом Дружбы народов
Добавить комментарий